O servizo prestado NESTE 2023 centrouse en varios aspectos:
1. Sensibilización das problemáticas cotiás que sofren as persoas migrantes e etnicamente diversas. Por medio da realización de entrevistas en formato videopodcast, o noso alumnado tentaba afondar nas vidas das persoas protagonistas. Así, por medio da gravación, e posterior difusión, destes vídeos podemos acadar maior coñecemento sobre as realidades particulares deste colectivo.
2. Promoción do papel das entidades do terceiro sector. O proxecto serviu para evidenciar a importancia da xestión da diversidade cultural desde as entidades do terceiro sector. Así, por medio da voz dos seus usuarios/as ponse en valor o traballo feito polos técnicos/as e o impacto que ten nas dinámicas de inclusión.
3. Por último, tamén se fomentou a creación de redes informais entre entidades, persoas entrevistas e alumnado universitario da materia pedagoxía intercultural, de tal xeito que os mozos e mozas da USC puideran coñecer de primeira man a outros xóvenes diferentes a eles/as e establecer vías de amizade que redundasen en beneficios para ambas partes.