MULLER E INMIGRACIÓN

 Alberdi García, Laura

Alonso Cubillo, Laura

Amorín Gómez, Uxía

Vázquez Romay, Alexandre

Ante a posibilidade de facer unha breve descrición e explicación sobre a participación no programa PEINAS, crese preciso destacar, antes que nada, a importancia e o interés do tema tratado. Así, a temática que se lle outorgou ao Grupo 2 deste proxecto foi “Muller e Inmigración”, para a cal se comezou coa presentación dos conceptos clave como “inmigración” e “migración” para, posteriormente, utilizando a idea dunha línea temporal, explicar o rol da muller durante o paso dos séculos e contrastar todas as ideas que se tiñan sobre este asunto, coa Asociación Centinelas.

O paso por este programa de aprendizaxe/servizo estivo moi marcado pola situación epidemiolóxica, observando así que o contacto con diferentes persoas ás que entrevistar viuse algo privado, mostrando, pola súa banda, certas reticencias coas condicións que se lles ofertaban. Pese a isto, considérase que o traballo realizado foi coherente e axeitado ao que se solicitaba no momento no que se accedeu a participar neste programa.

A ocasión de presenciar as experiencias daquelas/daqueles profesionais que tratan con situacións e persoas altamente condicionadas pola súa procedencia e posición económica, semellou do todo enriquecedora. É ese o motivo polo que se viu condicionada a escolla desta temática, cando se brindou a oportunidade.